29 верасня 2018 года на базе дзяржаўнай установы адукацыі прайшло раённае свята паэзіі “Мая Радзіма, сэрцу дарагая”, прысвечанае Году малой радзімы. У госці да настаўнікаў і вучняў завітаў вядомы беларускі паэт Мікола Трафімчук, наш зямляк. Арганізатары свята ўшанавалі імёны знакамітых паэтаў і празаікаў Брэстчыны і роднай Драгічыншчыны. Прагучалі творы Міколы Федзюковіча, Ніны Мацяш, Анатоля Крэйдзіча, Яўгеніі Янішчыц, Уладзіміра Сітухі. І, канешне ж, галоўным упрыгажэннем свята стала выступленне Міколы Трафімчука, які расказаў аб сваёй творчасці і далейшых планах, успомніў сяброў па пяру, прачытаў вершы. Сустрэча атрымалася цікавай і захапляльнай.